وفينك آ الوالي وفين الجمعيات البيئية.. “ديناصور” عقار داير تجزئة كّدها كّداش فغابة طنجة وكلشي ساكت والصداع ديما نايض غير على “الصغار”
هشام أعناجي ــ كود الرباط//
علمت “كود” من مصدر مسؤول بوزارة الصحة، أنه لحدود كتابة هذه الأسطر (منتصف اليوم الأربعاء 5 غشت الجاري)، بلغ عدد الحالات الحرجة والخطيرة التي تتواجد بأقسام الإنعاش والعناية المركزة، 86 حالة.
وحسب ذات المصدر فإن هذه الحالات تتغير في كل يوم، حيث هناك حالات تتحسن وحالات أخرى كتموت.
وحسب ذات المصدر، لبارح كانت عندنا 91 حالة فالانعاش والعناية المركزة.
وكشف ذات المصدر المسؤول لـ”كود” أن المغرب يعتمد الترتيب الطبي الصيني في تصنيف الحالات المصابة بفيروس “كورونا”، لأنه “الأكثر نجاعة.
هاد الترتيب حسب ذات المسؤول، كيقسم الأمراض إلى جوج أصناف، صنف فيه أعراض وصنف مافيهش أعراض.
بالنسبة للصنف لي فيه أعراض، فيه تقسيمات، أولا الحالات لي هي بسيطة لي عندها زكام بسيط مثلا، ثانيا حالات متوسطة أي لي عندها الالتهاب الرئوي ولكن معندهاش عوامل الخطر لي تقدر تسبب ف تطور حالتههم للأسوأ، ثالثا الحالات الخطيرة لي خاص ضروري تدخل للعناية المركزة باش تاخد الأكسجين.
أما التقسيم الرابع هو لي فيه الحالات الحرجة ولي كتعتاج الانعاش، هادي ميمكنش تعيش بالاكسجين، خاص ضروري التنفس الاصطناعي حسب ذات المصدر.
ودعا ذات المسؤول المغاربة إلى التركيز على الحماية والوقاية من الفيروس وعدم التركيز على مسألة العلاج أو مسألة وجود أجهزة التنفس من عدمها، مؤكدا :”كاينا اجهزة تنفس موجودة ولكن مبغيناش المغاربة يوصلو لهاد المرحلة، الأهم هو الوقاية من الفيروس”.