وكالات-كود//

دار “كريستيز” دارت مزاد علني باش تبيع فيه الرسائل ديال الروائي الفرنسي المعروف مارسيل بروست لي كان كتبهم للصحفي ريني بلوم، لكن الصدمة كانت كبيرة لأن حتى واحد ماتسوق ليه والمزاد فشل.

مجموع الرسائل لي كانت معروضة هو 16، وتكتبات بين 1913 و1916 وكان متوقع تباع بـ300 ألف أورو.

الرسائل لي مكونة من 90 صفحة بينات كيفاش كان الروائي كيرسلها للصحافي باش يشكرو ويوصف الكتابات ديالو الأدبية بأنها مزيانة.