أسماء غربي -كود//

هادي شهرين باش مريم سعيد علنات خروجها من برنامج “trending” لي كيدوز في “mbc”. خروجها جا مباشرة من بعد الروينة ديال حشيان الهضرة وضريب المعاني، وتسريب صورها.

ولي واقع هاد الأيامات أن بزاف ديال الأخبار خرجات كتقول أن مريم غادي تقدم برنامج “أحلى صوت” لي قريب يدوز، وهادشي خلا المعلقين يرجعوها صحة القناة بلا خبار حتى المدراء.

هاد الأخبار لي منتشرة قريب تبان حقيقتها من كذوبها، وديك الساعة بزاف غادي يفرحو برجوعها وكين لي غادي تشدو النكسة.

ومن نهار خرجات من البرنامج، مريم قلبات على مواقع التواصل لي كانت فيهم نشيطة جدا، وآخر بوسط في انستكَرام مثلا حطاتو في 2 فبراير.