وكالات –كود//

مرا من أوگندا حطمات الرقم القياسي، و ولات هي المرأة الأكثر خصوبة في العالم، عندها 40 عام ووالدة 44 طفل.

مريم نباتانزي تزوجات صغيرة بزاف وهي في عمرها غير 12 لعام براجل عندو 40 عام، وولدات أول ولد في 13 لعام وموراه بقات كتولد غير التوام، و4 دياز المرات ولدات 3 في دقة ومن بعد 4 في دقة.

المرا لي راجلها كيضربها ومكيحضرش معاها للولادة كتخدم بوحدها باش تصرف على ولادها وخاصها يوميا تشري 10 كيلو ديال الدقيق و4 كيلو ديال السكر باش ياكلو ولادها.