نجوى المالحي-كود//

الممثلة المغربية مريم حسين لي مستقرة في دبي جات للمغرب في رحلة عبر خطوط “لارام”، ولثاني مرة ركبات معاهم طلع ليها دم من الخدمة المقدمة.

ودارت مريم سنابات كتخاصم بسبب روطار ديال سوايع، وحسب هدرتها نزلوهم من الطيارة شوية عاودو رجعوهم، ودازت القضية قبل ما يوصلو لمطار محمد الخامس وبقات تسنا في الباليزات ديالها كثر من ساعة.

وحسب ماقلت، الصدمة ديالها كانت قوية لأن الباليزة جات واكلة دق وكاملة مضغطة وموسخة وحالتها حالة، وهادشي لي كعا الممثلة وخلاها تنتقد الشركة وتعصب.