الرئيسية > جورنالات بلادي > مركز أوروبي مامعروفش اعلن على فوز الملك محمد السادس بجائزة غامضة للسلام.. والقضية موراها صحفي مغربي وها كيفاش تفرش
25/09/2021 09:00 جورنالات بلادي

مركز أوروبي مامعروفش اعلن على فوز الملك محمد السادس بجائزة غامضة للسلام.. والقضية موراها صحفي مغربي وها كيفاش تفرش

مركز أوروبي مامعروفش اعلن على فوز الملك محمد السادس بجائزة غامضة للسلام.. والقضية موراها صحفي مغربي وها كيفاش تفرش

كود – عن موقع يا بلادي//

الثلاثاء الفايت نشرات مواقع مغربية خبر عن منح مركز أوروبي سيمتو المركز الأوروبي للسلام و حل النزاعات جائزة جان جوريس للسلام اللملك محمد السادس. مواقع كثيرة بغات تأكد من مصداقية هاذ المركز والجائزة اللي كيقدم. خدمة استقصائية كبيرة تدارت فرشات عدد من الحقائق المرتبطة بهاذ المركز المغمور والجائزة لملغومة.

رئيس هاذ المركز معروف هو الصحفي المغربي – الفرنسي “محمد وا موسي”، لكن المشكلة الحقيقية هي الأساليب الملتوية اللي لجأ ليها المركز عبر شبكة كبيرة من المواقع الاخبارية المزيفة وعدد من الحسابات الوهمية على منصات التواصل الاجتماعي باش يحاول ينفخ في قيمة الجائزة وأهمية المركز. وهاذ الشي خلا بزاف ديال المواقع المغربية والإسرائيلية توقع في الفخ

موقع يا بلادي تبع عبر مسار هاذ المعطيات وربط بيناتها بعد التحري التقني ولقا أن هاذ المواقع الإخبارية المستنسخة كلها عندها سيرفر واحد بأسماء قريبة من وسائل الإعلام المعروفة (France25 أو Canal_75 أو LatribuneI…) وعلى تويتر تقريبا ما لا يقل عن 8 حسابات مواقع إخبارية ، تم إنشاؤها جميعًا في عشت 2021.

ومن خلال تتبع مالكي المواقع المعنية ، ان لقا موقع يا بلادي ان جميع هاذ المواقع عندها مضيف وتم تسجيلها بتاريخ 15 يوليو 2021. والرابط الوحيد بين المركز والمواقع المزيفة هو الصحفي الفرنسي المغربي “محمد واموسي”. في عام 2004 ، أنشأ شركة بالسمية ديالو من خلال عنوان يتطابق مع عناوين المواقع والمركز. وباش يتحيد اي شك محتمل حول هاذ المعطى. موقع يا بلادي قدر يثبت ان نفس العنوان قدماتو مرات الصحفي في 2018 لإنشاء شركة باسمه.

https://www.yabiladi.com/articles/details/115176/coulisses-propagande-centre-europeen-pour.html

موضوعات أخرى

28/03/2024 14:45

بوليس سيدي قاسم شدو 4 فيهم واحد قاصر بانو ف فيديو هازين السيوفا وكيسبو فمؤسسات وموظفين عموميين وكيحرضو على تنفيذ اعتداءات

28/03/2024 14:28

واش الحكومة غاتحل الحمامات مور الشتا لي طاحت.. بايتاس لـ”گود”: على حسب كل إقليم والوضعية ديال الماء فبلادنا صعيبة ونسبة الماء لي دخلات للسدود ضعيفة

28/03/2024 14:22

تعيينات جديدة فمناصب عليا دازت اليوم فمجلس الحكومة: منهم مدير المحروقات ومدير الموارد البشرية فوزارة الخارجية

28/03/2024 14:00

“الهاكا” مسؤولة على فضيحة “مومو” مع “هيت راديو”. كيفاش تعطلات تخرج قرار فاكثر منشط عاقباتو

28/03/2024 13:30

وزير النقل للساقطين فامتحان البيرمي: غانعطيوهم فرصة جديدة ومغاديش يتحسب امتحان الاثنين والهدف من الأسئلة الجديدة هو نقصو من الكسايد