كود عن الوكالات ////

صحة الرئيس الامريكي دونالد ترامب من نهار تعلن باللي فيه كورونا شاغلة ماشي غير الرأي العام الامريكي بوحدو٬ بل العالم كولو. شفنا اسهم طاحت والاقتصاد ضربو حتى هو البرد. ترامب خرج البارح فيديو بغى يوقف التصريحات اللي هدرات على صحتو.

كلشي بدا بعد ما هزوه من البيت الابيض لمركز وولتر ريد العسكري الطبي بالقرب من العاصمة واشنطن.

الرئيس الامريكي بلا گرافاطا على غير عادتو٬ قال باللي باش وصل للسبيطار ما كانش مزيان ودابا احسن. ولكن اللي دخل الشك فكلشي هو باش قال “الامتحان ديال الصح هو ليام الجاية”. يعني انو غادي يبقى ايام تماك فالصبيطار تحت المراقبة الطبية. وهاد الشي جا فدروة الحملة الانتخابية للرئاسيات فامريكا. ترامب اضاف باللي باغي يستأنف حملتو

تصريح رئيس رئيس موظفي البيت الأبيض، مارك ميدوز، زرعات البلبلة فكلشي. هاد المسؤول قال باللي مازال ما تعافاش وباللي 48 ساعة الجاية غادية تكون حرجة بزاف. وقبلها كان خبار على ان الرئيس الامريكي دارو ليه اوكسجين اضافي

بعدها خرج طبيبو شون كونلي باش يقول باللي ترامب ما محتاجش لاوكسجين اضافي فالوقت الحالي وباللي ما عاناش من الحمى ف24 ساعة اللي فاتت وباللي متفائل بحذر بشأن صحتو وباللي ما يقدرش يقول وقتاش يخرج من الصبيطار

الرئيس ليس بحاجة إلى أكسجين إضافي في الوقت الحالي وأنه لم يعاني من الحمى في الساعات الـ24 الماضية.