نجوى المالحي-كود//
اليوتوبوز اسماء بيوتي ملي سالاو مشاكيلها مع عائلة راجلها قلباتها بكى على مها لي مبقاتش معاها في الدار ومشات عند ختها لمدينة بعيدة غير بساعتين باش تعاونها في الولادة.
اسماء بيوتي حطات فيديو على قناتها في يوتوب، مبينة فيه وجهها منفوخ بالبكا وحداها بنتها الصغيرة ودارت عنوان مثير وولات شادة الطوندونس بحوالي مليون مشاهدة غير في نهار.
الفيديو لي فيه 23 دقيقة كامل اشهارات طبعا، وبذكاء خلات اسماء الجزء ديال البكا هو الاخير باش تجمع الفلوس مزيان.
التعاليق ديال المتتبعين معظمها انتقادات، وبزاف عيبو على اليوتوبوز كيفاش كتستغل حدث عادي باش تشد الطوندونس.
