وكالات-كود//

مرا ميريكانية سميتها كلوديا سييرا وعندها 42 عام وكتسكن في تكساس دارت بزاف ديال عمليات التجميل باش تولي كتشبه للسيدة الأولى الأمريكية ميلانيا ترامب مرات الرئيس دوناد ترامب.

مجلة “Elle” قالت أن قصة هاد السيدة دارت جدل كبير في ميريكان بعدما خرجات في الاعلام ودارت لقاءات صحفية وقالت أنها بغات تولي بحال مرات ترامب حيت زوينة بزاف وكتعجبها.

ودارت كلوديا 9 ديال العمليات في الوجه وعملية تصغير حجم صدرها، وخسرات ما مجموعو 65000 دولار باش تحقق رغبتها.

وقالت كلوديا :”بزاف كيشوفوني بحال شي مسطية بسبب تصرفاتي لكن هاد الفلوس لي خسرت على راسي هي استثمار لذاتي وساهم في ولادة كلوديا سييرا جديدة”.