الرئيسية > آش واقع > “مراكش” تقدر تطيح الحكومة البلجيكية
03/12/2018 19:00 آش واقع

“مراكش” تقدر تطيح الحكومة البلجيكية

“مراكش” تقدر تطيح الحكومة البلجيكية

كود-بروكسيل//

قال رئيس حزب الرابطة الفلامانية الجديدة اللي كايشكل اغلبية ف الحكومة البلجيكية مع حزب الحركة الاصلاحية ديال رئيس الوزراء، قال ان الحكومة الا مشات تا وقعات اتفاق مراكش للهجرة غادي ينسحابو  نهائيا..

وقال  رئيس الحزب بارت دي وفر اليوم ان دعمه لشارل ميشيل غادي يكمل و ينتهي  الا وقع هاد الاتفاقية و غادي يسحب الوزراء ديالو اللي منهم وزير الداخلية يان يامبون و كاتب الدولة المكلف بالهجرة المعروف ثيو فرانكن و اخرون.

الحكومة البلجيكية عبرات بزاف من المرات على انها غادي توقع الاتفاقية حيث كتمثل مصالحها ومصالح الاتحاد الاوروبي وخا عارضوها شي دول بحال ايطاليا و النمسا وشي دول فيها احزاب اليمين ف الحكم.

بزاف ديال زعماء الدول غادي يجيبو لمراكش نهار 10 دجنبر باش يحضرو للقمة اللي على الهجرة، تقريبا شي 190 دولة و غادي يوقعو على ميثاق الهجرة اللي تسما ميثاق مراكش،وهو من اعداد الامم المتحدة و كايأطر الهجرة و مسؤوليات الدول عليها وكايفرض التزامات على الدول الغنية باش تفك الازمة على الدول الفقيرة وهادشي كترفضو الاحزاب اليمينية.

للاشارة الحكومة البلجيكية الفدرالية تشكلات غير بزز قبل سنوات حيث ماكانتش الاغلبية متوفرة  عند الاحزاب الفرنكفونية و حيث احزاب اليمين الفلامانياللي عندها مقاعد كثيرة كتكون ديما معارضة اصلا لتوحد بلجيكا وكتنادي بانفصال منطقة الفلامان الشمالية وكانت بلجيكا بقات بلا حكومة لمدة عامين..

 

موضوعات أخرى

29/03/2024 00:00

نقابة الصحافة زادت دروس أخرى على دروس “الهاكا” فقضية فبركة جريمة شفرة على المباشر.. كنبهو للانزلاقات الكثيرة لي كتوقع فعمل بعض الإذاعات الخاصة ويجب إعادة النظر فالقانون المنظم للقطاع السمعي البصري

28/03/2024 23:30

جثة مجهولة كلاوها الكلاب فالطريق بين العيون وفم الواد دارت استنفار فالجوندارم

28/03/2024 23:00

الفيفا طالبو الصبليون يوضحو لهم تهم الفساد المالي الموجهة للرئيس السابق روبياليس وللمعتقلين فالقضية

28/03/2024 22:35

اشناهي المواد الغذائية الفاسدة اللي تشدات ف15 يوم درمضان؟ 402 طن فيها 106 من التوابل و60 طن من العصير و35 طن من لحليب و34 طن من السكر واتاي