ونقلت جريدة “marca” الإسبانية حوار للممثلة هبة عبوك مع مجلة “instyle”، وحسب الأخيرة فمرات أشرف حكيمي رجعت من عطلة دوزتها مع أولادها بالامارات وهي دابا كتواجد بمدريد ماشي باريس.
وحسب الحوار المنشور أكدت هبة عبوك أن العلاقة ديالها مع أشرف حكيمي تقريبا سالات حيث ما بقاتش كتعيش فباريس وقالت: ” باريس كئيبة وحتى سكانها، توحشت مدريد غنرجع لها”.
وكملت هبة عبوك اللي واقفة هي وأشرف حكيمي على الطلاق وقالت: “ما كنفكرش فاللي جاي، انا باغيا نعيش دابا، وإلى دوزنا حياتنا وحنا خايفين من المستقبل وقتاش غنتمتعو بهذه الحياة ؟”.
وقالت الممثلة الإسبانية بدون ما تتكلم على راجلها المغربي حكيمي أن ولادها خلاوها تكون بخير وعندها وعي بأهمية اليوم والحاضر والتفاصيل الصغيرة، أما المصدر صاحب الحوار فقال أنها ما بغاتش تتحدث حول وضعها الشخصي مع أشرف حكيمي، ولكن مسحات گاع التصاور معه وغالبا غادي يتفارقو.
https://www.marca.com/en/lifestyle/celebrities/2023/03/23/641c915022601db23b8b45bb.html