اسماء غربي- كود//
مدير الاستخبارات الداخلية الفرنسية السابق، برنار سكوارسيني كان هاد الصبح ضيف عند راديو “اوروب 1 Europe”، وهضر على قضية تجسس المغرب على شخصيات وطنية وأجنبية باستخدام برنامج “بيگاسوس” ديال الشركة الاسرائيلية NSO.
وقال برنار سكوارسيني انه ماتايقش ان المغرب هو اللي وراء قضية التجسس ببرنماج “بيگاسوس” الاسرائيلي. واضاف: هادشي ساهل بزاف، المغرب شريك وعندو شركات حتى هو مع دول وقوات عالمية اخرى.
وهنا سولو الصحفي شكون كيظن ورا هادشي كامل؟ وجابوبو سكوارسيني: كولشي ممكن، والسكات ديال الايليزي فهاد القضية غادي مع التحقيقات اللي تفتحات فالموضوع كيف قال الوزير الاول جان كاستيكس.
واكد مدير الإستخبارات الداخلية السابق انه خاص بزاف ديال الحذر في مايخص مصدر هاد اللوائح وكونهم كيقولو انهم ديال المغرب.
وذكر بلاغ للحكومة المغربية خرج اليوم بالليل، أن هاد الأخيرة “ترفض جملة وتفصيلا هاد الادعاءات الزائفة، اللي لا أساس لها من الصحة، وتتحدى مروجيها، بما في ذلك، منظمة العفو الدولية، وائتلاف “Forbidden stories”، وكذا من يدعمهم والخاضعين لحمايتهم، أن يقدموا أدنى دليل مادي وملموس يدعم روايتهم السريالية”.
Bernard Squarcini ne croit "pas trop" que le Maroc soit à l'origine de l'affaire #Pegasus : "C'est trop facile (…) le Maroc est un partenaire, il est adossé à d'autres grands pays, d'autres grandes puissances avec lesquelles il coopère"#Europe1 pic.twitter.com/HIz0T8qJg0
— Europe 1 ???????????? (@Europe1) July 21, 2021