كود الدوحة ///

ماتش المغرب ضد بلجيكا البارح فتيران التمامة فالدوحة حضروه مسؤولين شي وحدين منهم قليل تشوفو فالتيران. نور الدين بنسودة الخازن العام للمملكة كان ڤي اي پي بالجناح 3 فهاد التيران. كان كذلك لخليع ربيع المدير العام للمكتب الوطني للسكك الحديدية اللي فالمكتب الفيدرالي للجامعة الملكية المغربية لكرة القدم. بوبريك ديال الضمان الاجتماعي جا حتى هو. بجوجهم كانو فالجناح 16 فالتيران. طبعا ڤي آي پي.

السفير ممثل المغرب فالامم المتحدة عمر هلال جا للماتش. هادي يومين وصل للدوحة. باينة انتاقم منو ناصر بوريطة وزير الخارجية واخا ما عرفناش علاش. هلال باش نزل فمطار الدوحة ما كانش كيتسناه حتى حد من سفارة المغرب فالدوحة

ليلة 18=19 نونبر هاد السفارة اللي كيرأسها محمد ستري رسلات اللي يستقبل عائلتو. عائلة السفير ودابا هادا ديبلوماسي كبير ما تسوقوش ليه.