كود الناظور //

اعلنت الجمعية المغربية لحقوق الانسان فرع الناظور، أن عنصر قوات مساعدة، مات هاد الصباح متأثر بجروحه، بعدما كان هجمو عليه حراكَة سودانيين فشهر رمضان الفايت.

وقالت الجمعية في بلاغ لها، أن هاد الحراكَة السودانيين كانو باغيين ينقزو على كَرياج مليلية لكن المخازني تعرض ليهم، هادشي خلاهم يضربوه بحجرة لراسو تسببات ليه فـ جرح خايب وهزوه للصبيطار الناظور، ومن ديك الساعات وهو كايعاني من هاديك الضربة حتى مات اليوم.