وكالات//
أثر المغني السعودي المشهور محمد عبده ف عدد كبير ديال المتتبعين ديالو بعدما جا ضيف على الإعلامي المصري عمرو أديب ف البرنامج ديالو ف رمضان.
عبده ، هضر على بزاف ديال الحوايج فالبرنامج ديال عمو أديب لي سميتو Big time Podcast، ولي كانت فيه حتى أصالة نصري، ولكن التصريح لي أثر بزاف فالناس هو فين هضر على الوالد ديالو.
مقدرش محمد عبده يحبس الدموع ديالو فين قال أن الوالد ديالو معقلش عليه بزاف حينت مات وهو صغير فين كان ف اليمن.
وقال حتى لواحد النهار فين جاب ليه واحد السيد من اليمن صورة نادرة ديالو، وكانت أول مرة كيشوفو.
