نجوى المالحي-كود//

الفنان محمد الشوبي لي معروف بمواقفو القوية وتصريحاتو الجريئة دار تدوينة فايسبوكية وجه فيها سهام النقد للاسلاميين، وقال أنهم مكيعرفوش معنى “المثقف العضوي” حيت كيوقف تفكيرهم عند العضو التناسلي.

تدوينة الشوبي عرفات تقاسم الآراء بين لي أكد ما قالو وبين لي انتقدو، وكاين لي طلبو باش يشرح معنى “المثقف العضوي” عوض يسب الاسلاميين.

الممثل جاوب على معظم التعاليق، وكاين لي مشا معاه بعيد وبغا يحاسبو على الأدوار لي دار، آخرها في “دار الغزلان” لي مثل فيه شخصية مسلم عاطيها غير للصلا والدين. وكتب ليه المعلق “يمكن شخصية الزاهد لي درتي تجاوبك على شنو كتبتي”، وهو يرد عليه الشوبي “صحيح حيت انغمس بعضوه الذكري ولولا موت ابنه المفاجئ لما عاد سويا”.