كود الرباط//

فجر استاذ شارك في المهرجان الوطني لمسرح الطفل فضيحة من العيار الثقيل، الاستاذ كشف لـ”كود” أن محمد الجم طلع هو لمعلم لكبير.

الجم، اللي خدام على المسرح المدرسي هاذي سنوات، استافد من تمويل مزدوج للمهرجان اللي مولاتو وزارة التربية الوطنية، و في نفس الوقت حصل على دعم مالي كبير من المؤسسات الوطنية.

اشنو كيدير الجم باش يأخذ هاذ الدعم. الوزارة كتوفر الفضاءات، كدير مذكرات لتأسيس نوادي المسرح، أطر الوزارة يؤطرون التلاميذ في إطار النوادي ثم تنطلق المسابقة.

في نفس الوقت يقوم محمد الجم باستغلال اسمه كفنان مشهور لطلب الدعم للمهرجان الوطني للمسرح المدرسي.

دابا بلا تلاميذ الجم غينظم شي مهرجان؟ ميمكنش، و لكن اش كيستافدو الوليدات من غير دوك الجوائز الهزيلة.

الوزارة خاصها تصحح الوضع وماشي ضروري فنان واحد يحتكر هاذ النشاط باش يولي ريع و الأساتذة المؤطرين رافضين الجم يبقى يجمع لفلوس باسم التلاميذ و مكيحاسبو حد.