29/03/2024 12:00
السلطات المغربية قبلات العودة ديالهم.. گاع الحراگة اللي استغلو الموڤيطا ديال الثلاثاء الفايت وحرگو لسبتة رجعو تا اللي بالغين ودارو راسهم قاصرين
كود – وكالات //
نزلات محكمة روسية بالحبس 9 سنين على نجمة الباسكيط النسوي الميريكانية بريتني كَراينر (Brittney Griner) من بعد إدانتها بتهمة تهريب المخدرات، حسب وكالة “أنترفاكس” الروسية.
وفرضات عليها أيضا خطية واصلة قيمتها لحوالي 16300 دولار.
واعتارفات كَراينر (31 عام)، بللي كان عندها الحشيش ولكنها نكرات تهمة خرقها للقانون عمدا.
وتشدات اللعابة الأولمبية، اللي ربحات عدد من الميداليات ذهبية، فشهر فبراير الفايت فمطار قريب من العاصمة موسكو بعدما لقاوها مدوزة قريعات فيها زيت الحشيش خاصة بالكَارو إلكترونيك وسط الباكَاج ديالها.
وكيبقى الحشيش من المواد الممنوعة فروسيا سوا للاستعمالات الطبية أو الترفيهية.