كود كازا//
حكمات المحكمة الاجتماعية فكازا، اليوم الاثنين، بثبوت نسب الطفلة نور من المحامي محمد الطاهري، فالقضية اللي تعرفات عند المغاربة ب”ليلى والمحامي الشهير”، واللي متابعة فيها ليلى، أم الطفلة، بتهمة المشاركة فالخيانة الزوجية.
هذ الحكم جا بعدما ثبتات الخبرة الجينية، هاذي بضعة اسابيع، نسب الأب للبنت ديالو، اللي نكرها شحال فتصريحات صحافية عديدة، بينما تمسكات الأم فحق البنت ديالها فالنسب، سيما وان العلاقة اللي كانت كتجمعها بين المحامي علاقة خطبة كيف كتقول، وكان سبق جا لدارهم، وحضرو واليديها وخوتها.
وكان المحامي الطاهيري رفض يمشي لمختبر الشرطة القضاىية باش يجري التحاليل دثبوت النسب، الشي اللي خلا النيابة العامة تطلب هذ الإجراء من المحكمة، قبل ما يتم الإعمال ديالو صحا.
