شرع اليد فدولة مزال خدامة بقانون ليوطي “الرجعي”.. اعتداء على “مفطر رمضان” مقطوع رجع النقاش للتخلف القانوني فبلادنا
عمـر المزيـن – مكتب الرباط//
بعد تعيّين إدريس الكراوي من قبل الملك محمد السادس، رئيسا جديدا لمجلس المنافسة، خلفا لعبد العالي بنعمور، علمت “كود”، أن مكتب مجلس المنافسة غادي يتنصب الأعضاء ديالو اليوم الأربعاء. أعضاء هاد المجلس غادي يتعينو لمدة ديال 5 سنوات قابلة للتجديد مرة واحدة، وفيهم جوج قضاة بصفتهما نائبين للرئيس.
من بين الملفات الحارقة التي تنتظر هاد مجلس اللّي كان جامد فعهد بنعمور كاين ملف أسعار المحروقات التي خلفت موجة غضب واسعة في صفوف المغاربة، إن ينتظر أن يعقد المجلس لقاء يوم الإثنين المقبل مع أرباب شركات المحروقات، وكذا التجمع ديال النفطيّين.
مصدر حكومي، قال لـ”كود”، على أن مجلس المنافسية عندو فقط رأي استشاري والحكومة غادية فالتسقيف وهادشي مافيهش اللّعب لكن المجلس خاصو يدير خدمتو ويجاوبو الحكومة من دبا شهر وبغض النظر أن تتوصل الحكومة بالجواب ديالهوم راه التسقيف ديال أسعار المحروقات جاي جاي”.