كود كازا//
مجلة Travel and Leisure المشهورة صنفات أوطيل المامونية فمراكش كواحد من أجمل وطيلات العالم، فالليست ديالها اللي كديرها كل عام على لوطيلات الفخمة فالعالم T+L 500.
هذ التصنيف، اللي كيشمل 500 وطيل من أفخم لوطيلات، كيراعي مجموعة من المعايير الأساسية، من بينها جودة المبيت، وجودة الخدمات، ولومبيونس واش مزيانة، والماكلة.
وهاذ الليست فيها 500 وطيل من مختلف أنحاء العالم، أفريقيا والشرق الأوسط، وآسيا، وأستراليا، ونيوزيلندا وجنوب المحيط الهادي، ومنطقة بحر الكاريبي، وأوروبا، والأمريكيتين.
ومن لوطيلات اللي وردو فلاليست، كيان andBeyond Ngorongoro Crater Lodge فتنزانيا، Montage Palmetto Bluff فنجوب كارولينا فميريكان، the Langham فلندن، وكاين كذلك مجموعات أوطيلات كاينين فبلدان مختلفة بحال، ThePeninsula، Kimpton، Rosewood، Mandarin Oriental، Hyatt، وغيرها.
الليست غاتنشر فالعدد ديال مارس 2021 من المجلة، كيف غتكون منشورة كذلك فموقع آبل نيوز+.
وكان سبق لأوطيل المامونية خدا صفة أفضل وطيل فالعالم عام 2018، من عند المجلة الأمريكية المرموقة Conde Nast Traveller.
https://www.travelandleisure.com/worlds-best/tl500-2021
