نجوى المالحي- كود//
بعد الإعلان، البارح الأحد على وفاة الفنانة المصرية الكبيرة رجاء الجداوي بسباب كورونا، قرر المغني المغربي سعد لمجرد يأجل إصدار الألبوم ديالو، لي كان من المفترض يخرجو في نفس النهار.
وكتب لمجرد “احتراما لروح الفنانة الكبيرة رجاء الجداوي سيتم تأجيل موعد طرح العمل الجديد، سأخبركم قريبا بالموعد”.
لمجرد ديما كيبغي يركب على حاجات بحال هادو باش يلمع سمعتو وصورتو الموسخة، وينسي الناس فانه متهم بالاعتداء الجنسي ويمكن حتى الاغتصاب في جوج قضايا في فرنسا، وقريب القاء يول كلمتو الاخيرة فيهم.
والموت ديال رجاء الجداوي خلف حزن في الساحة الفنية، وبزاف ديال المشاهير شاركوا صورة الفنانة وكتبو عليها كلمات مؤثرة.