وكالات //

حسي مسي وبحضور عائلتها وبعيدا على وسائل الإعلام، ولدات النجمة العالمية ريهانا ولدها اللول من مغني الراب الميريكاني أساب روكي (33 عام) السيمانة الفايتة.

موقع “TMZ” الميريكاني قال نقلاً على مصدر أن ريهانا (34 عام) ولدات دري نهار الجمعة اللي فاتت (13 ماي 2022) فمدينة لوس أنجلوس، ولكن سمية البيبي باقي ما عارفها حد ومزال ماخرجاتش لوسائل الإعلام.

ريهانا كانت دايرة التمويه للصحافة، خصوصا الباباراتزي اللي ديما حاضينها، وكتتقدى غير اللباس ديال البنات، ولكن دابا كَاع وسائل الإعلام الميريكانية اللي متبعة أخبارها جابو التبركَيكَة وقالو أنها ولدات دري.