20/04/2024 01:00
نهضة بركان غيمشيو من مطار الجزائر للوطيل يرتاحو والكاف عطاهم ضمانات على التونيات
كود وارزازات ////
هاد رشدي الشرايبي مكلف بمهمة فالديوان الملكي ما نهار تأسسات مؤسسة اسمها “وارزازات الكبرى للتنمية المستدامة” وهو رئيسها. البارح دارو هاداك الجمع كيف كل عام وطلع بلا مشاكل.
رئيس مدى الحياة صافي. اييه هي جمعية تشتاغل باش تعاون لمدينة ولكن خاص شوية التغيير. كل مرة خاص يجي شي حد.
رشدي الشرايبي اللي كان واحد الوقت مدير الديوان ديال الملك وواحد من المحيط القريب جدا منو حقاش قرى مع محمد السادس٬ بقى كيبعد يبعد حتى وصل لوارزازات. رسميا مكلف بمهمة فالديوان الملكي ولكن باينة ما عندو ما يدار يتلاهى فهاد المؤسسة.
