كود : يونس أفطيط///

شي مرات من حقك تتساءل واش هادشي لي كانشوفوه حقيقي ولا غير مفبرك؟، قبل ساعات كانت نايضة هرماكة ديال بصح فبلدة إمزورن بالحسيمة والامن كينزل عليه الحجر كيف الشتا وهو كيرد وماقسرش.

ملي قرب يوذن السحور الناس خاصها تمشي تسحر ديكشي علاش مشاو المحتجين عند الامن سلموا عليهوم وقلبوها معاهوم مسامحة حقاش وصل وقت السحور، الامن براسو بدا كيسلم على المحتجين بحال تاحاجة ماواقعة نهائيا.