كود سبور//

صبح الناخب الوطني وحيد خاليلوزيش غير مرغوب فيه من طرف أعضاء ديال المكتب المديري للجامعة الملكية المغربية لكرة القدم، لي عبرو على أنه من الضروري تصفية الأجواء الداخل فالمنتخب الوطني.

وكشفات مصادر مطلعة على أن المدرب البوسني خاليلوزيش ما بقى عندو ليدافع عليه داخل الجامعة ديال كرة القدم، وبالخصوص فالمكتب المديري الجديد ولي عقد الاجتماع ديالو الأول البارح وكاين اجماع بين وسط الأعضاء ديالو على رحيل المدرب خاليلوويش وتغييرو فأقرب وقت لمصلحة المنتخب المغربي.

المصادر نفسها أكدت على أن خاليلوزيش ما بقى عندو ما يعطي للمنتخب المغربي، وأن الاستمرار ديالو مع أسود الأطلس، غيزيد يخلي الأجواء داخل المنتخب مشحونة فمن الأحسن يتم الانفصال عليه وتكريمو بطريقة زوينة على الخدمات لي قدمها ملي إلتحق بالمنتخب.

الجامعة ديال الكرة حسمت الموقف ديالها دابا وإقالة وحيد خاليلوزيش كتبقى مسألة ديال وقت فقط، من بعدما اتفق كل الأعضاء الجامعيين على الرحيل ديالو بسبب المشاكل ليولات ففيستيير المنتخب، مع العلم أن وليد الركراكي المدرب السابق ديالو الوداد هي لي كيبقى أقرب واحد باش يدرب المنتخب المغربي فالمونديال مع تعيين واحد من الدوليين السابقين من ولاد الجالية المغربية فالخارج كمساعد ليه.