أسماء غربي -كود//

الخرجات ديال الراقصة مايا لي ديما كتسب فيهم الرجال وتنتقد طريقة تعاملهم مع العيالات، خلات بزاف ديال الناس ينتقدوها، بين 200 واحد لي متبعها في الصفحة انستكَرامية ديالها.

المزابية الحارة دخلات للصفحة ودردكات على المنتقدين وأكدات أن هضرتها حرة فيها وتعبر كيف بغات حيت كيبقى داكشي رأيها، ومغاديش تنازل على كلامها حيت الرجال فيهم وفيهم، وكاين لي معذب أسرة كاملة.

بزاف تافقو معها لكن الفكَوسة عواجت ملي قالت أنها مقتنعة بالمهنة ديالها كراقصة، وبنادم المتزمت ولي باقي عايش فالقرون الوسطى، مخلا فيها غير لي نسا.

مجموع تعاليق في 24 ساعة وصل لـ250 تعليق، بين لي مع مايا ولي ضدها.