كريم الشركي – كود //
ماركة فيرساتشي العالمية اختارت مانكان مغربية كوجه جديد لعلامتها التجارية، وغاتكون هاد المغربية إيمان همام اللي فعمرها 24 عام، هي الوجه الجديد لعلامة الملابس والموضة الفاخرة.
هادشي بان حسب وسائل اعلام دولية، فالستيل الخريفي ل2021 لي طرحاتو فيرساتشي، حيث بانت ايمان همام لابسة الستيلات ديال شركة فيرساتشي كوجه رئيسي، رغم أنها ديما كانت خدامة مع فيرساتشي ولكن ماكانتش من الوجوه البارزة ديال عارضات الأزياء لي كيكونوا رئيسيات كيقدمو خط الازياء للسنة.
ايمان لي كيبلغ الطول ديالها متر و79 سنتيم، دارت لبسة كحلة من سروال جلدي وجاكيط كحلة، مع صاك صغيور، لي كانت لبسة خريفية من فيرساتشي وبانت هي الرئيسية.
