وكالات//
قررات القوات ديال الحماية المدنية الروسية أنهم يخرجو واحد الراجل غليض بزاف من البالكون بعدما كان مستحيل أنه يخرج من الباب ولا الشرجم.
ونقلو بزاف ديال الناس على السوشيال ميديا واحد الفيديو كيبين اللحظة لي كيخرجو فيها هاد الراجل لي كيعاني من سمنة مفرطة بزاف من البالكون، بعدما غلفوه باش مايتجرحش.
— مقاطع منوعة (@AmiraAh26894828) April 13, 2024
على حساب ماقالت الصحافة ديال روسيا فهاد السيد عندو 54 عام ف عمرو، وهادي 10 سنين ماخرجش من الدار بسباب السمنة والجلوس بزاف.
ومن بعد سنوات ديال الجلوس وقلة الحركة والسمنة، جاه آلام في القلب ديالو وعيط للإسعاف باش يديوه للسبيطار، حتى تصدمو بأن السيد مايمكنش ليه يخرج بطريقة عادية.
