كود – عن سي ن ن عربي//
فأول تعليق ليه على التصرفيقة اللي كلا لبارح، قال إيمانويل ماكرون، رئيس فرنسا، ان التعبير على الرأي مقبول، لكن الكالاخ والعنف ماعندهم بلاصة فالديمقراطية.
وفردو على سؤال الصحافين حول واش كان تخلع بسباب هذشي، قال ماكرون: “ماكانش عندي الوقت باش نتخلع، كان خاصني نوقف جنب صحاب الريسطورات ونتلاقاهم من بعد ازمة كورونا، وهذ الخادث ماخصوش يحبسنا، حيت خاصنا نوقفو مع الشعب الفرنسي بعد إعادة الإفتتاح.
وقال ان الغضب ديال المواطنين عادي، وكيتم التعبير عليه ديمقراطيا، “والناس كيعبرو على هذشي وكيلقاوني موجود ديما، باش نسمع ليهم ونجاوبهم، وإلى ماقدرتش نجاوب كنحاول نقلب على الجواب، هذا غضب مشروع، لكن الكالاخ والعنف مامقبولينش”، على حساب هضرتو.
