وكالات //

السلطات البريطانية شدات أصغر بزناس في عمرو 9 سنين.

وقالت جريدة “The Mirror” البريطانية أن الدري مازال كايقرا فالإبتدائي، واستغلوه شي بزناسة كبار باش يروج ويبيع ليهم السلعة ديالهم.

الطفل ماغاديش يوجهو ليه حتى تهمة واخا شدوه متلبس لأنه ماعندوش السن القانوني باش يتابعوه والمتمثل في 10 سنين على الأقل.

وقالت وسائل الإعلام البريطانية أن حالات استغلال الدراري الصغار فـ بحال هاد الجرائم تزادت مؤخرا، خصوصا من جانب عصابات الجريمة المنظمة وتجار المخدرات، وقالت أن السبب كايرجع للآثار الاقتصادية الخايبة اللي تسببات فيها جائحة كورونا، واللي خلات عدد من البزناسة يستغلو حتى ولادهم فـ ترويج المخدرات.