نجوى المالحي-كود//

التبركَيكَة لي جابت “كَود” أن برنامج “ماستر شيف” ديال المشاهير كمل تصوير الحلقات ديالو في استوديوهات خارج كازا، وبقات ليهم غير الحلقة النهائية لي غادي يتم فيها تتويج واحد من النجوم والفلوس لي غادي ياخد غايعطيهم للجمعية لي لاعب على ودها.

هاد العام المتفرجين غادي يشوفو وجوه كيعرفوها ولكن قليل فين كتبان بحال نعيمة بوحمالة وامال أطرش والشوبي واللائحة طويلة.

التصوير لحد كتابة هاد السطورة دايز مزيان، الفرقة التقنية والنجوم كل واحد شاد تيقارو ومحتارم التدابير خوفا من كورونا، وكيتمناو أن التصوير النهائي يدوز بسلام باش كل واحد يمشي بحالو وهو صحيح فصيح.