الرئيسية > تبركيك > مازل الكنز اللي فيها كايتلقى لـ دبا.. العثور على پـياسة ساوية 98 ألف دولار وسط بقايا الباطو “أتوتشا” اللي غرق فـ القرن 17 – تصويرة و تغريدة
28/07/2021 04:00 تبركيك

مازل الكنز اللي فيها كايتلقى لـ دبا.. العثور على پـياسة ساوية 98 ألف دولار وسط بقايا الباطو “أتوتشا” اللي غرق فـ القرن 17 – تصويرة و تغريدة

مازل الكنز اللي فيها كايتلقى لـ دبا.. العثور على پـياسة ساوية 98 ألف دولار وسط بقايا الباطو “أتوتشا” اللي غرق فـ القرن 17 – تصويرة و تغريدة

كود – وكالات //

تلقات عملة ذهبية نادرة فأغلى حطام سفينة فالعالم سميتها “نويسترا سينيورا دي أتوتشا” (Nuestra Señora de Atocha) قبالة فلوريدا كيز.

واكتشف “زاك مور”، المهندس في شركة “Mel Fisher’s Treasures”، العملة الذهبية نهار 16 يوليوز، لتكون الرقم 121 اللي تلقات، من الحطام.

وكتبت شركة “Mel Fisher’s Treasures” فمنشور: “أن قيمة البياسة كاتقدر بـ98 ألف دولار على الأقل، أو كثر”.

وزادت الشركة: “هذا الاكتشاف الجديد للعملة الذهبية كايجي غير بعد أيام قليلة من الذكرى الـ36 لاكتشاف سفينة أتوتشا عام 1985”.

وفاش غرقات “نوسترا دي أتوتشا” عام 1622، كانت فيها كمية كبيرة من الذهب والفضة والمجوهرات والأحجار الكريمة، وتقدرات قيمة شحنتها بحوالي 400 مليون دولار.

وكايتعتبر “زاك مور” عضو فـ باطو الإنقاذ “Mel Fisher’s J.B. Magrude”، اللي كانت خدامة فموقع غرق السفينة لبعض الوقت، وكان باه جزء من الطاقم اللي اكتشف “نوسترا دي أتوتشا” هادي 36 عام.

وفـ2014، دخلات “نويسترا سينيورا دي أتوتشا” موسوعة كَينيس للأرقام القياسية، كأغلى حطام سفينة فالعالم.

والسفينة كانت هازة 40 طن من الذهب والفضة، و70 رطل من الزمرد، قبل ما يدمرها إعصار فشتنبر 1622، ويموتو 265 من اللي كانو فيها، ونجاو غير 5.

موضوعات أخرى

19/03/2024 05:00

جورنال “الدايلي مايل ” بغا يحبس الشائعات لي كتسركل على الأميرة كيت: شهود شافوها كتدور مع راجلها وولادها

19/03/2024 03:00

مرض نادر كينتاشر فالجابون بطريقة كتخلع.. والعلماء مقدروش يعرفو الأسباب ديالو