عفراء علوي محمدي- كود//

بعد غدا الخميس، غادي تشارك بطلة الكراطي المغربية ابتسام سادني فمباراة لهذ الرياضة، فوزن أقل من 61 كيلوكَرام، فدورة الألعاب الأولمبية “طوكيو 2020.

والمغرب مع سادني ممكن يكون على موعد مع ميدالية جديدة، اللي ممكن تكون ذهبية، خصوصا وأن سادني معروفة بتألقها فمحافل كثيرة، آخرها حصولها على الذهبية فدوري باريس المفتوح.

ولحد الساعة المغرب عندو ميدالية ذهبية وحيدة، جابها العداء سوفيان البقالي اللي جا هو اللول فمنافسات 3000 متر موانع.