الرئيسية > ميديا وثقافة > ماتت 15 مرا على شوية الدقيق وگالت ليكم الداخلية: لا يجب تشويه الوقائع، في هذه الظروف المأساوية، ولا المزايدة من خلال التذرع بحاجيات الأشخاص المعوزين أو تضخيمها بشكل مفرط.
20/11/2017 16:16 ميديا وثقافة

ماتت 15 مرا على شوية الدقيق وگالت ليكم الداخلية: لا يجب تشويه الوقائع، في هذه الظروف المأساوية، ولا المزايدة من خلال التذرع بحاجيات الأشخاص المعوزين أو تضخيمها بشكل مفرط.

ماتت 15 مرا على شوية الدقيق وگالت ليكم الداخلية: لا يجب تشويه الوقائع، في هذه الظروف المأساوية، ولا المزايدة من خلال التذرع بحاجيات الأشخاص المعوزين أو تضخيمها بشكل مفرط.

هناء ابو علي ////

هاد الداخلية عقلية غريبة. كلشي كيتقدم كيساير العصر اما هما عندهم الاطر عندهم الكفاءات عندهم الدماغات ولكن باينة ما كيستافدوش منها. دابا خرجات الداخلية بيان عاودات كررات فيه قضية اجراء “تحقيق من قبل النيابة العامة المختصة وكذا من قبل المفتشية العامة للإدارة الترابية”.

وطبعا كالو باللي الملك اعطى تعليماتو لرئيس الحكومة وللداخلية وللقطاعات المعنية ” بهدف اتخاذ الإجراءات القانونية الضرورية قصد التأطير الحازم لعمليات الإحسان العمومي وتوزيع المساعدات على الساكنة المعوزة”.

وذكر “بأن ثقافة التكافل ظلت دائما راسخة في التقاليد المغربية كما كانت حاضرة بقوة في المجتمع المغربي، سواء على مستوى الدولة أو المنظمات غير الحكومية، أو الأشخاص، مبرزا أن الحملات الطبية وتوزيع المساعدات والمبادرات التكافلية والتضامنية تعد مكونا أصيلا ضمن هذه الثقافة. كما أن دينامية النسيج الجمعوي ومبادراته المعترف بها والفعالة، تشكل مبعث فخر ومحط تقدير بالنسبة للبلاد” وباللي خاصها اطار قانوني تنظيمي “من أجل حماية التقليد العريق للتضامن والتكافل وضمان الأمن”.

غير الداخلية جات حتى الاخير تقريبا وزادت جملة شوهة وصافي. كتبت ” لا يجب تشويه الوقائع، في هذه الظروف المأساوية، ولا المزايدة من خلال التذرع بحاجيات الأشخاص المعوزين أو تضخيمها بشكل مفرط”. يعني ماتت 15 مرا باش تاخد كفة فيها شي 160 درهم وموتة شوهاتنا فالعالم كلو. شوهات نموذج التنمية عندها وكتقولو “لا يجب تشويه الوقائع”. هاد الوقائع ما محتاجاش تشويه حقاش هي شوهة كبيرة بزاف بزاف بزاف. اش من مزايدات اش من تضخيم كتكلمو واش عندكم شي عقل. شكون اللي فتى عليكم هاد الفقرة الشوهة. وا الداخلية وراه ماتت 15 مرا. تيتمت اسر. هاد الشي عندكم عادي. دابا غير كولو لينا اشنا هي الوقائع اللي ما خاصش لمغاربة يشوهوها. راكم انتوما شوهتونا. شوهة طريقة الموت وشوهة تدبير ازمة الفاجعة. هاد الصورة اللي منشورة مع المقال ديال “كود” يمكن تحرك فيكم شي حاجة. صورة كتلخص كلشي

موضوعات أخرى

19/03/2024 08:00

بن عبو لـ”كود”: موجة حر استثنائية فبلادنا وهاد السيناريو المناخي كيزيد تطرفا عام بعد عام وهادشي يؤكد أن الصيف الجاي غادي يكون حار وجاف وصعيب

19/03/2024 05:00

جورنال “الدايلي مايل ” بغا يحبس الشائعات لي كتسركل على الأميرة كيت: شهود شافوها كتدور مع راجلها وولادها

19/03/2024 03:00

مرض نادر كينتاشر فالجابون بطريقة كتخلع.. والعلماء مقدروش يعرفو الأسباب ديالو