الرئيسية > آش واقع > مابقى والو على نهاية التجارب السريرية للقاح “سينوفارم” والمغرب كيتسنى الأوكي من عند الشينوا باش يبدا حملة التلقيح.. وعضو اللجنة العلمية فوزارة الصحة: هذ اللقاح تبث نجاعتو ومازال كنتسناو النتائج النهائية
05/12/2020 12:30 آش واقع

مابقى والو على نهاية التجارب السريرية للقاح “سينوفارم” والمغرب كيتسنى الأوكي من عند الشينوا باش يبدا حملة التلقيح.. وعضو اللجنة العلمية فوزارة الصحة: هذ اللقاح تبث نجاعتو ومازال كنتسناو النتائج النهائية

مابقى والو على نهاية التجارب السريرية للقاح “سينوفارم” والمغرب كيتسنى الأوكي من عند الشينوا باش يبدا حملة التلقيح.. وعضو اللجنة العلمية فوزارة الصحة: هذ اللقاح تبث نجاعتو ومازال كنتسناو النتائج النهائية

كود – تقارير //

وبمجرد ما بدات شركة “سينوفارم” الشينوية تشارك فالمرحلة الثالثة ديال التجارب السريرية، دابا المغرب كيتسنا نجاح هذ التجارب فالشينوا وياخد الموافقة بالتالي باش يبدا حملة التطعيم الوطنية ضد كوفيد19.

فالمغرب كاينة حالة كبيرة ديال الترقب، فانتظار إعلان وزارة الصحة عن موعد إطلاق حملة التلقيح ضد فيروس كورونا، وفهذ الصدد قال سعد عفيف، عضو اللجنة العلمية التابعة لوزارة الصحة المغربية أن “التجارب التي أجريت في الصين، من خلال تلقيح أكثر من مليون شخص كشفت عن نجاعتها، وأكدت أن اللقاح هو السبيل الوحيد للقضاء على هذا الوباء، حيث تتسابق دول العالم للحصول عليه، في حين أن المغرب سيكون من الدول الأوائل التي ستتمكن من تلقيح مواطنيها”.

اللقاح ناجع.. والمغرب معول عليه

وزاد عفيف، فتصريحو لـ”سكاي نيوز عربية” بأن: “المغرب يعتمد في مرحلة أولى على اللقاح الصيني الذي أنتجته شركة (سينوفارم)، كما يجري اتصالات متقدمة مع شركات الأدوية البريطانية (استرازينيكا) والأميركية (فايزر) والروسية (سبوتنيك)”.

وعن موعد إطلاق الحملة الوطنية للتلقيح ضد فيروس كورونا، قال عضو اللجنة العلمية، أن “هذا التاريخ لم يتم تحديده بشكل رسمي بعد، مؤكدا أن اللقاح تخطى جميع المراحل العلمية، وهو اليوم في آخر مراحله في انتظار المصادقة عليه رسميا وإتمام بعض الإجراءات التقنية الضرورية”.

ومنظمة الصحة العالمية حددات لحد الآن 11 لفاكسان كيتم تطويرهم فالشينوا، 5 منها قراب يبداو المرحلة الثالثة من التجارب السريرية، واللي ممكن من خلالها يتعرف واش ممكن هذ الفاكسانات تتجرب على أكبر شريحة من السكان أو لا، وجوج منهم كتطورهم شركة سينوفارم الشينوية.

وحسب ما أوردته مجلة “نيتشر” العلمية، قال وانغ جون تشي، نائب رئيس فريق أبحاث اللقاحات فمجموعة البحث العلمي والأكاديمي فالشينوا، أنه “غيتم الاتفاق باش تخرج 600 مليون جرعة من الفاكسانات د”سينوفارم’ للتسويق التجاري، فظرف سيمانة أو جوج سيمانات على الأكثر”.

الشينوا غاتصوفي العالم ومراهنة على “سينوفارم”

وكتقول المجلة أن الشينوا مراهنة على 3 ديال اللقاحات، 2 من سينوفارم و1 من سينوفاك، اللي مبازية على فيروس مامآكتيفيش، وهذ الطريقة فصناعة اللقاحات بسيطة نسبيا وكيتم استخدامها على نطاق واسع، وكتعتمد بدرجة كبيرة على جزيئات الفيروس المقتولة باش تضعف الفيروس اللي أكتيف وتغلب عليه جهاز المناعة.

وفاكسانات الشينوا ساهل تتخزن وتنقل، على عكس اللقاحات ديال شركة “فايزر” و”موديرنا”، اللي كتتطلب التخزين فحرارة 70 درجة.

وواخا الناس كتقول أن الشينوا ساءت التعامل مع المراحل الأولى ديال الوباء، لكن إلى توصلو للقاح، غيكونو هوما المنقذين ديال العالم، كيف كتقول إيلانا أوريتسكي، عالمة الأنثروبولوجيا الطبية فجامعة برانديز فوالثام فماساتشوستس، واللي خدامة على بحث حول دور الشينوا فالصحة العامة، اتصلات من خلالو مع علماء خدامين على كوفيد19.

تحطات فاللقاح فلوس صحيحة

وزادت أوريتسكي كتقول أن المفهوم القائل بأن العلم يمكن أن يعزز الصورة العامة للصين هو مفهوم أساسي فالسياسة عند الشينوا، بحيث “العلم والأوساط الأكاديمية ذات أهمية كبيرة عند الحاكم ومهمته في تقوية الدولة”، كيف اكدات أن الشينوا كتمول العلم بشكل مزيان، ومن الصعب حساب حجم التمويل اللي ممكن تكون حاطاه الشينوا على لقاحات سينوفارم، المملوكة للدولة.

وكان المغرب وقعت اتفاقيتي شراكة وتعاون مع المختبر الشينوي “سينوفارم”، كتسمح ليه بالحصول على اللقاح، كما شاركو مئات ديال المتطوعين المغاربة في التجارب السريرية، مما منح للمغرب الأفضلية ضمن البلدان التي ستزود باللقاح.

موضوعات أخرى

29/03/2024 12:00

السلطات المغربية قبلات العودة ديالهم.. گاع الحراگة اللي استغلو الموڤيطا ديال الثلاثاء الفايت وحرگو لسبتة رجعو تا اللي بالغين ودارو راسهم قاصرين

29/03/2024 11:30

الدريب لـ گود: الناصيري عطى لكثير للوداد وهادي صفحة وطويناها ودابا حقبة جديدة برئاسة البرناكي وغنخدمو لإرضاء الوداديين

29/03/2024 11:00

البوليساريو بغات تستاغل الرئيس السنگالي الجديد وكتزاوگ فيه يدير معاها علاقات

29/03/2024 10:40

جدل امتحان البيرمي.. “نارسا”: كاين تطور إيجابي فنسبة نجاح المترشحين فاليوم الرابع ووصلات لـ54,41 فالمية

29/03/2024 10:30

بلقشور: الوداد تحملو مسؤوليتهم والجموع العامة دازت مزيان وتم التصويت على گاع التقارير ومبروك عليهم

29/03/2024 10:21

تقرير رسمي: أسعار الصناعات الغذائية فبلادنا تراجعات وإنتاج وتوزيع الما والضو مستقر

29/03/2024 10:00

دقة تابعا دقة فـ”قضية تمويل فرحان” مول الشروق. بوصوف كان غادي يدير درس حسني قدام سيدنا ويقدم كتابو ليه وحيدوه

29/03/2024 09:50

ماتش الكوكب والحسنية.. تابعوه 20 ألف واحد وولاية أمن لمدينة لحمرا سخرات 1270 بوليسي وها شحال تشدو