وكالات //

علنات ملكة جمال هولندا “ديلاي ويليمشتاين” (Dilay Willemstein) انسحابها من مسابقة الجمال العالمية ورفضات تسافر لبورتوريكو باش تتنافس على اللقب في المنافسة النهائية لأنها مابغاتش دير الفاكسان ضد فيروس كورونا.

ملكة الجمال اللي عندها 21 عام، وضحات أنها مامقتانعاش بضرورة الفاكسان اللي كيتعتابر شرط أساسي للمشاركة بالنسبة لكَاع المتسابقات اللي دخلو المنافسة على لقب ملكة جمال العالم.

ديلاي أكدات أن حلمها ملي كانت صغيرة هو تولي ملكة ديال الجمال، لكن فكرتها ضد الفاكسان كبر من كلشي.

وبعدما انساحبات ديلاي غادي يتم تعويضها بالوصيفة ديالها فمسابقة ملكة جمال هولندا “ليزي دوب” (Lizzy Dobbe).