أرقام رسمية.. غير 29,3 فالمية من المشتغلين اللي عندهوم التغطية الصحية واكثر من نصف المستأجرين معندهومش كونطرة عمل
اسماء غربي – كود – عن إسرائيل هيوم//
اتهم شاليف حوليو، مؤسس ومدير شركة “NSO” الإسرائيلية، قطر، وحركة مقاطعة الاحتلال الإسرائيلي “بي دي أس”، بالوقوف خلف “حملة للنيل من الشركة وقطاع السايبر الإسرائيلي”.
وقال مدير شركة NSO الإسرائيلية، اللي طورت برنامج “بيگاسوس” للتجسس، فحوار مع صحيفة “اسرائيل هيوم”، ان “هاد الحملة تقف خلفها قطر ولا حركة BDS، ولا بجوج”.
ونفى حوليو علاقة شركتو بأي روابط اللي فاللائحة اللي تم نشرها، وزاد: “الى اتضح انه كاين بعض العملاء اللي استغلو نظامنا لتعقب الصحفيين أو العاملين فمجال حقوق الإنسان، فغادي يتم قطع العلاقة معهم بيه فيه”.
واكد حوليو، انه ساق الخبار لأول مرة عن التحقيق الصحفي المنشور قبل شهر، وقال: “تواصل معاي طرف ثالث ، شخص كنخدمو معاه غير متورط ف القضية”.
وأضاف، أن الطرف الثالث علمو باختراق خوادم الشركة ف قبرص، وكل قائمة أهداف NSO تسربات”.
وقال حوليو: “درنا فحص خوادمنا، وراجعنا العملاء، ومالقينا حتى اختراق. وقلبنا القائمة المسربة، وبدينا ف التحقق منها مع عملائنا. وماكان حتى واحد منهم هدف لشركة بيگاسوس”.
وعلى قطر وحركة مقاطعة الاحتلال، قال حوليو: “”كاين اللي ماباغيش إسرائيل تستارد حتى لاگلاص، ولا تصدر التكنولوجيا”.
وتابع: “كيتعرض قطاع الإنترنت الإسرائيلي للهجوم بشكل عام، كاينين بزاف ديال شركات الاستخبارات الإلكترونية ف العالم ، ولكن كولشي كيركز غير على الشركات الإسرائيلية، وتشكيل اتحاد بحال هذا من الصحفيين من العالم وإدخال منظمة العفو الدولية فيه – كيبان أنه كاين يد ورا هادشي.
وعلى هاد الجهات اللي كيتهمها، قال حوليو: “كنظن أنه ف النهاية غادي يتحول الأمر إلى قطر ولا حركة المقاطعة، ولا بجوج”.
ورفض شاليف حوليو يذكر أسماء الدول اللي باع ليها برنماج التجسس والتعليق على الأسماء اللي جات ف وسائل الإعلام.
https://www.israelhayom.com/2021/07/23/israeli-cyber-sector-is-under-attack-says-nso-group-chief/