وكالات //

موظفي مطار فجزر موريس/موريشيوس (Maurice) ملي كانو كيديرو فحص روتيني وسط طيارة تابعة للشركة المحلية “Air Mauritius”، لقاو رضيع مازال يالاه تولد وسط طارو دالزبل اللي فالطواليط. الطيارة كانت جاية من مدغشقر.

القصة وقعات نهار 1 يناير فمطار “سير سيووساكَور رامكَولام” الدولي (Sir Seewoosagur Ramgoolam International Airport)، وقالت مجلة “دير شبيكَل” الألمانية أن السلطات شدو بنت مشتبه فيها، عندها 20 عام، واللي وصلات لمورشيوس باش تخدم وعندها كونطرا ديال عامين. هزوها للصبيطار باش تتعالج وهي دبا تحت مراقبة البوليس.

Newborn Baby Found In Airplane Toilet Bin

A newborn baby was on New Year's Day discovered in the toilet bin of an Air Mauritius plane.

The baby was discovered during a routine customs check of the plane, which landed at Sir Seewoosagur Ramgoolam International Airport. pic.twitter.com/7Xqj0oFIG3

— Punch Newspapers (@MobilePunch) January 3, 2022

الأم حاولات تنكر في اللول لكن الفحوصات أكدات أنها يالاه ولدات. و المهم أنها دابا هي وولدها فصحة جيدة وحالتهم مزيانة وملي غادي تخرج من الصبيطار غادي يتابعوها بتهمة التخلي على مولودها، حسب “دير شبيكَل”.