كود كازا ////
الباحثة اسماء لمرابط زوجة الوزير السابق والسفير الحالي للمغرب فجنوب افريقيا يوسف العمراني بينات على غباءها. بغات دير الشعبوية وصافي باش يديرو ليها جيم فتدونيتها اللي نشراتها على الفايسبوك واخا هي عارفة راسها غير كترگع.
اسماء لمرابط نشرات صورة الملك مع الحكومة الجديدة وكتبات “صورة رجال” اللي ما خلاوش لعيالات يبانو. واضافت “4 لغيالات مخبيات بحال صورة تهميشهم فالمجتمع”.
علاش كدير الشعبوية. علاش كل وزير وزير عندو بلاصة حسب ما كيعطيه البروطوكول. لو ان مرا مثلا وزيرة العدل او وزيرة دولة كانت غادية تكون حدا الملك. الترتيب البروطوكولي عطاها تكون فالبلاصة اللي كاينة باش كيبركو فالمجلس الحكومي او الوزاري. المصيبة انها عارفة هاد الشي بحكم خدمة راجلها ولكن كدير الشعبوية وصافي. هاد الشي ماشي غير فالمغرب فالعالم كولو.
كان ممكن فالقصر الملكي يفكرو فشي اخراج يبانو كلهم ممكن ولكن راه بلايصهم ماشي حقاش عيالات اللا حقاش عندهم ديك الحقيبة الوزارية.