الرئيسية > الزين والحداكة > للمرة الرابعة.. بريتني سبيرز حطات تصاور بسدرها عريان فأنستكَرام.. والمعجبين تشوشو على صحتها النفسية – تصاور وفيديو
02/08/2021 05:00 الزين والحداكة

للمرة الرابعة.. بريتني سبيرز حطات تصاور بسدرها عريان فأنستكَرام.. والمعجبين تشوشو على صحتها النفسية – تصاور وفيديو

للمرة الرابعة.. بريتني سبيرز حطات تصاور بسدرها عريان فأنستكَرام.. والمعجبين تشوشو على صحتها النفسية – تصاور وفيديو

كود- وكالات//

للمرة الرابعة فسيمانة وحدة، كتحط المغنية الأمريكية، بريتني سبيرز، تصويرتها بصدر عريان ف”أنستكَرام”، فاللول المعجبون عجباتهم الصورة اللي كتعبر على شعور بريتني بالحرية، لكن فاش تكررات، بنفس اللباس ونفس اللوك ونفس الخلفية، تشوشو عليها وعلى صحتها النفسية.

https://www.instagram.com/reel/CR-LF3xHeIQ/?utm_source=ig_web_button_share_sheet

وهذ المرة اللخرة ماحطاتش بريتني تصويرة، لكن فيديو، كتبان فيه كتشوف فالكاميرا، وهي كتغطي صدرها العريان بيديها، ولابسة غير شورت ديال الدجين قصير، وهذ اللقطة تعاودات هذ السيمانة ففيديو سابق وجوج تصاور، ببوزات مختلفة.

والمعجبين ببريتني فاللول قالو ليها انها جات زوينة، وأن هذ الصورة كتعبر على رغبتها فالحرية، خصوصا وأنها مداعية مع باها باش تحيد وصايتو عليها، لكن من بعد منين تكرر هذشي بقاو كيسولوها فالتعليقات: “اوبس.. درتيها عاوتاني؟”، “شنو بغيتي توصلي لينا من هذ الصور؟”، “هذشي كيقلق..”، وقال واحد اخر”واقيلا شي حد اللي كيحط لبريتني هذشي فالكونت!!”

 

موضوعات أخرى

19/03/2024 03:00

مرض نادر كينتاشر فالجابون بطريقة كتخلع.. والعلماء مقدروش يعرفو الأسباب ديالو

19/03/2024 00:00

رابطة البوليساريو فالصبليون كضغط على وزارة الثقافة باش تحيد الاعتراف بمغربية الصحرا من الجريدة الرسمية ديال إسبانيا 

18/03/2024 22:30

فرحات مهنا لسيدنا وللمغاربة: القبايل ممتنة للمغرب وللملك وكنطالبو بالدعم السياسي والدبلوماسي باش نوضعو حد للجزائر