الرئيسية > آش واقع > لقينا عينة من التماسيح ، موالين المدارس الخاصة بغاو يديرو اضراب : شوفو معنا مطالبهم الغريبة
13/03/2017 08:16 آش واقع

لقينا عينة من التماسيح ، موالين المدارس الخاصة بغاو يديرو اضراب : شوفو معنا مطالبهم الغريبة

لقينا عينة من التماسيح ، موالين المدارس الخاصة بغاو يديرو اضراب : شوفو معنا مطالبهم الغريبة

هناء ابو علي – كود

المغرب عامر بالاعاجيب ومنها اللي بان مؤخرا ف مطالب اصحاب المدارس الخصوصية اللي خرجو مؤخرا ببلاغ قالو فيه انهم غادي يأجلو اضرابهم المقرر السيمانة الجاية حتى تتشكل الحكومة , وهاد الناس الاعاجيب كايطالبو بمطالب غريبة عجيبة تأملوها معنا يا سيادنا:

– مابغاوش مديريات الضرائب تدير لهم المراقبة و التفتيش و المراجعة

– مابغاوش الدولة تمنع عليهم اساتذة القطاع العمومي

– كما انهم كايرفضو مباريات التعاقد اللي كاتدير الدولة حيث كايهربو ليهم الاساتذة المتعاقدين ديالهم تجاه القطاع العام و كاع ماطرحو السؤال علاش؟ حيث فالاصل الناس كايفضلو الخاص على العام ف كاع القطاعات الا ف التعليم و السبب باين وهو ان هاد موالين الشكاير اللي كايربطهم مع التربية و التعليم غير الخير و الاحسان والفلوس … ماكيخلصوش الاساتذة ديالهم مزيان الا كثرو معهم 3000 درهم ف الشهر و الاغلبية خدامة ب 2000 درهم.. وكاين اللي خدام ب 1500 درهم ف صناديق كايسيموها اقسام ومدارس..

مابقا ليهم غير يزيدو ف المطالب هاد النقط تاهي: استعباد الاساتذة و يتدارو ليهم السلاسل ف الاعناق و يخدمو فابور يوميا 30ساعة على 24، اعلان المدارس دولة مستقلة مايدخلها مفتش تربوي ولا مفتش ضرائب، ينفخو ف النقاط قد مابغاو، يديرو ديبلومات ومناهج خاصة بهم ..

المدارس الخاصة اللي بعقلها هي اللي تحاول بكل ما اوتيت تكون افضل ف الراتب و الاجرة و التعويضات من القطاع العام، وتستغني عليه و على موظفيه و تفوتو ف المستوى و الانتاج ، وهي اللي تكون مقاولات مواطنة تخلص الضريبة ف الوقت وتدير فضاءات تربوية لائقة حيث كاتشد الفلوس  .. و توفر مناصب شغل تخلي الناس يستقلو من العمومي و يجيو عندهم.. اما الا كانو الاساتذة كايهربو منكم راه خصكم تسولو راسكم علاش؟  انتما ماديرين لا تقاعد لا تغطية صحية وخاشيين التلاميذ ف الصنادق ودافعين كبير..وباغيين تديرو اضراب

الناس كتخرق سبعين الف نص قانوني مغربي و الضوبل ديال هاد العدد ف القوانين الدولية و الانسانية و يمكن واقيلا حتى قانون اعالي البحار و التجارة الدولية وحتى قانون الغاب ، فدرالية المحترفين ف ايجاد الثغرات ف قانون الشغل و قانون العقود و الالتزامات و دفاتر التحملات و زايدينها مابغاوش يخلصو الضريبة و بغاو اساتذة القطاع العام يعني الدولة كونات ليهم وخلصات ليهم مابقا ليهم غير يشدو الفلوس و يعمرو الكونتات …و زايدينها دايرين تاهما تنظيم و نقابة و بغاو يديرو اضرابات
.. هادو هما التماسيح ديال بصح اللي كايهضر عليهم بنكيران.. التماسيح و المناشير و الوجوه المعدنية.. خاص الدولة تعرف ان هاد المخلوقات بهاد العقلية ماعمرهم يكونو بديل للتعليم العمومي وخا مافيه مايتشاف ولا خصهم يكونو ولا يتعتبرو جزء من الاصلاح .. هادو راه ريع متوحش وزايدها بالهضرة و ماعندو وجه علاش يحشم…خص الدولة تبدا حملة تفتيشية قوية ضد هاد بنادم قبل مايفوت الفوت ونلقاو راسنا غاديين ف الحضيض ف التعليم..

موضوعات أخرى

28/03/2024 19:50

الهاكا عطات دروس لـ”مومو” وهيت راديو: خاص احترام نزاهة البرامج وتكون مضامين اعلامية آمنة ويقظة و”المبادئ والقوانين” ماشي ترف

28/03/2024 19:30

جبن وزير النقل. سولوه على التطبيقات قال ليهم خاص موافقة الطاكسيات الكبار والصغار واخا شي وحدين مشوهين البلاد – فيديو

28/03/2024 19:00

الإعلام الجزائري خرج خبار فايك على نشر المغرب تصويرة للتراث الجزائي.. ومصدر لـ”كود”: كيف عارف كولشي السلهام مغربي

28/03/2024 18:30

الحشيش اللي شدو البارح وتقتل فيه بزناس طلع عندو علاقة بالحشيش لي لقاوه فسيدي رحال و”گود” جابت تفاصيل العملية

28/03/2024 18:00

تهديدات داعشية بالقتل لناشطات فالحريات الفردية. نادر ل”كود”: وجود لائحة كيبين باللي كاين رصد وتتبع وهاد الشي ما كيخلعنيش

28/03/2024 17:30

فيومين.. شكايات جداد بـ”الفساد المالي” طاحوا عند الوكيل العام ففاس.. ومصدر لـ”كود”: وحدا فيها مشات للبحث والباقي قيد الدراسة

28/03/2024 17:00

واش هيرفي رونار كيضغط على الركراكي باش ياخد بلاصتو؟ الفرنسي جاهم من اللخر: باغي نلعب مونديال 2026

28/03/2024 16:30

خبير صبليوني لجورنال “أ. ب. ث”: المغرب دولة ذات سيادة وقادرة تدير مناورات بحرية فين ما بغات من مياهها الإقليمية والوقت اللي يناسبها بلا إذن شي طرف خارجي