وكالات –كود//

بزاف ديال الدراسات أكدوا أن المصابين بزهايمر مكانوش كينعسو مزيان، ودابا خرجو باحثين بدراسة جديدة قالو فيها أن لي كينعسو بزاف حتى هوما معرضين باش يجيهم زهايمر.

وقال الباحثون أن الناس لي كينعسو 9 ديال السوايع وكثر، ماكتبقاش عندهم الذاكرة قوية وحتى اللغة ديالهم كتوضر وهادي علامة مبكرة ديال الخرف.

نفس هاد الباحثين قالو أن لي كينعسو 6 ديال سوايع معرضين للخطر، وأن أحسن ساعات هي بين 7 و8.

وتوصل الباحثون إلى أن مهارات التعلم عند المشاركين لي كينعسو 9 ساعات فالمتوسط كل ليلة نقصات بنسبة 22% بعد 7 سنوات من بدء الدراسة، ونقصات طلاقة الكلام لديهم بنسبة 20%، كما نقصات الذاكرة لديهم بنسبة 13%.