كود مصطفى الشاذلي ////

غادي اغيب عمر بوطيب، لاعب فريق الرجاء، على الماتش لغادي العبوا الفريق ديالو مع فريق الفتح الرباطي في كأس العرش، لأنه مصاب.
بوطيب عرض الاصابة ديالو على طبيب مختص وتبين أنه خاصوا ادير جبيرة باش تبرى ليه رجيله، لأنه كيعاني من إصابة في الرجل ديالو، وعطاه الطبيب 15 يوما قبل ميرجع للتداريب، ورجع للمكان ديالو في التشكيلة ديال الخضر.

وكان بوطيب تعرض للإصابة في الماتش ضد اتحاد طنجة، بعدما دخل فحقوا أسامة غريب، ولكن الحكم جيد معلنش على خطأ ومشاو طنجة وسجلوا هدف التعادل، ورغم احتجاجات المدرب غاريدو جيد اعتبر الهدف قانوني.

ويعتبر بوطيب ثاني لاعب تصاب في الماتش ضد طنجة بعد جواد اليميق لتصاب بعد تدخل خشن من أحد اللاعبين طنجة، وداكشي أثر ليه على المشاركة ديالو مع المنتخب الوطني في المباراة مع الغابون، بحيث تعذر عليه اشارك في التجمع التدريبي وكون حاضر في المباراة أمام الغابون