كود كازا//

علنات لجنة ضحايا مافيا الوداديات السكنية على تنظيم وقفة احتجاجية، باش تفضح الخروقات والتلاعبات اللي واقعة فملفات العقار فمنطقة الصخيرات تمارة.

وهذ الوقفة غتكون نهار السبت قدام مقر عمالة الصخيرات تمارة، وغيحضرو ليها أشخاص عطاو فلوسهم  فمشاريع سكنية فالمنطقة، حتى كتشفو من بعد انها مجرد مشاريع وهمية.

وكان سبق للمختار بن رضوان، منسق اللجنة، قال فتصريحو ل”كود” ان حجم الاموال اللي ضاعت فهذ الوداديات، فقط فإقليم الصخيرات تمارة، واللي كيبلغ عددها 24 ودادية، وصل ل100 مليار ديال الدرهم.

وزاد: “حجم الاضرار لا يتصور، ويقدر يكون كثر من الاضرار اللي عرفاتها جنوب شرق آسيا”، حسب تعبيرو.