نسبة مشاركة ضعيفة بزاف فالانتخابات الجزئية فـ”دائرة فاس الجنوبية”.. موصلاتش حتى لـ4 فالمية
عفراء علوي محمدي- كود//
قالت غيثة لحلو، عضوة لجنة النموذج التنموي، أن غير 19 فالمية من النساء اللي كاينين فمناصب المسؤولية، وهذ النسبة غادية وكتتراجع بوثيرة كبيرة، والنموذج التنموي غياخذ بعين الاعتبار هذشي، ويلقى حلول لضمان المساواة بين الرجال والعيالات.
وزادت غيثة كتقول، اليوم الاثنين، فلقاء رقمي للجنة النموذج التنموي الجديد مع الصحافة، اللي تم بحضور رئيس اللجنة شكيب بنموسى، أن اللجنة خدامة على هذشي، وكتسعى لضمان حقوق النساء وتمتيعهم بالمساواة الكاملة، وتسهيل ولوجهم لمناصب المسؤولية وصناعية القرار فالحكومة والمجتمع المدني.
وقالت أن رهان اللجنة كيكمن فتفعيل مقتضيات دستور 2011 اللي كيحث على المساواة بين الجنسين، والسعي لوضع حوار باش النساء يستقلو بذاتهم، والمهمشات بحال الأمهات العازبات يلقاو بلاصتهم فالمجتمع، وإصلاح منظومة الميراث، والاهتمام بقضايا أخرى، للخروج فالتقرير النهائي بنتائج ملموسة.
وفمجال دعم الشباب، قال عدنان عديوي، عضو اللجنة المكلف بقضايا الشباب، أن النساء والشباب هوما الحلقة الضعيفة والمهمشة على مستوى خلق المشاريع، وكيخص مساندتهم ودعمهم باش يديرو مشاريعهم الخاصة.
وبالنسبة للشباب، فكيقول عديوي أن حاجياتهم واضحة، وكتتمثل فكيفاش ينميو الشباب المهارات ديالو الحياتية، وبالتالي كيخص الاشتغال معاهم بحلول مستعجلة على كيفاش يطورو مهاراتهم فافق 2035/2030.
وأكد أن اللجنة غتعتمد فنموذج تنموي يمكن الشباب من الآليات باش يحاربو البطالة ويضمنو مستقبلهم ويطورو مهاراتهم، ويعمل على توجيه الشباب اللي كاينين فحالة بطالة.