الرئيسية > آش واقع > لتقليص العجز والبحث عن الموارد المالية.. الدولة باعت 35 في المائة من حصتها فشركة “مرسى ماروك” لمجموعة “طنجة ميد”
27/07/2021 15:30 آش واقع

لتقليص العجز والبحث عن الموارد المالية.. الدولة باعت 35 في المائة من حصتها فشركة “مرسى ماروك” لمجموعة “طنجة ميد”

لتقليص العجز والبحث عن الموارد المالية.. الدولة باعت 35 في المائة من حصتها فشركة “مرسى ماروك” لمجموعة “طنجة ميد”

هشام أعناجي ـ كود الرباط//

الدولة باعت 35 في المائة من حصتها في شركة “مرسى المغرب” لمجموعة طنجة المتوسط، هاد الصفقة من المرتقب أن تضخ 5.48 مليار درهم في خزينة الدولة.

وحسب خبير اقتصادي فإن “هاد الصفقة  جات في إطار إصلاح المقاولات العمومية و ضخ موارد مالية لخزينة الدولة ولتقليص عجز الميزانية، لأن الحكومة عندها مصاريف كثيرة وخصها فلوس باش تنزل الحماية الاجتماعية وتدعم المقاولين الشباب”.

وحسب نفس الخبير فإن الهدف من هذه الخطوة هو المساهمة في تقليص عجز الميزانية من 7.6 إلى 6.3 في المائة.

وبعد هذه الصفقة ستحتفظ الدولة فقط بـ25 في المائة من رأسمال وحقوق التصويت في مرسى ماروك.

وتجد الاشارة إلى أن مجموعة طنجة المتوسط، هي التي تسير ميناء الحاويات والمسافرين بطنجة ومناطق صناعية ومناطق التجارة الحرة المرتبطة بهذا الميناء، هذا يبين أن مجموعة طنجة ميد خدامة مزيان.

ضربة معلم دارتها مجموعة طنجة المتوسط،  خصوصا هاد المجموعة حققات نتائج ايجابية هاد العام، حيث أن ميناء طنجة المتوسطي رقم معاملات في الربع الأول من السنة الجارية ناهز 739 مليون درهم، مع ارتفاع النشاط المينائي بحوالي 35 في المائة بالنسبة للحاويات، و5 في المائة بالنسبة لشاحنات النقل الدولي.

يذكر أن شركة مرسى المغرب كتواجد فـ9 موانئ، وكادير خدمات تتعلق بالمناولة و التخزين و اللوجستيك المينائي و كذلك خدمات لفائدة البواخر.

موضوعات أخرى

19/03/2024 10:00

تيار كازا فالبام داير روينة فالأغلبية… صديق سعيد الناصري بغا رئاسة مجلس النواب: واش هادي مناورة من المنصوري باش تفاوض على التعديل الحكومي ولا انقلاب جديد داخل التحالف الحكومي ولا باش يبلوكيو مدونة الأخلاق لي غادي تحيد مناصب للبرلمانيين ديالهم لي عندهم متابعات فالمحاكم

19/03/2024 09:45

قطاع الخدمات مزال كيحتل الصدارة فالتشغيل: مخدّم كثر من 5 مليون واحد من السكان النشيطين المشتغلين ومتبوع بقطاع الفلاحة والغابات والصيد

19/03/2024 09:30

عدد السكان اللي بالغين لسن النشاط (15 عام والفوق) فات فبلادنا 27 مليون شخص.. مندوبية التخطيط: 63,5 فالمية ساكنين فالوسط الحضري

19/03/2024 08:00

بن عبو لـ”كود”: موجة حر استثنائية فبلادنا وهاد السيناريو المناخي كيزيد تطرفا عام بعد عام وهادشي يؤكد أن الصيف الجاي غادي يكون حار وجاف وصعيب