نجوى المالحي-كود//

عبرت الكوميدية لبنى الجوهاري على الغضب ديالها من بعد واقعة مقتل الطفلة نعيمة في زاكورة، وقالت أنه خاص حل للمشكل، لأنه لا يمكن كل صباح يصبحو الناس على نفس أخبار اختطاف الأطفال وقتلهم واغتصابهم.

لبنى الجوهاري دارت فيديوهات نشرتهم في حسابها على أنستكَرام، وقالت خاص حل ضروري باش يوقفو الجرائم لي كيمشيو ضحيتها الأطفال الصغار، لان شي نهار يقدر يكون الشخص قريب ليك.

وكتبت لبنى في تدوينة رفقاتها بالفيديو “سمحي لينا أ نعيمة ! سمح لينا أ عدنان ! يسمحو لينا لوليدات كلهم لي مشاو ضحية ليس الجناة و المجرمين فقط بل حتى حنا لي ما قدرناش نأمنو ليكم حلم صغير لي هو حلم حق الحياة، حق التواجد فوق أرض الله، حق إستنشاق الاوكسجين .. كلنا مسؤولين على هاد البشاعة و قلة الانسانية”.

الفيديوهات ديال لبنى تفاعلو معاهم بزاف ديال الناس ، ومنهم الشطاحة مايا، لي علقات وقالت ان جرائم خطف واغتصاب الأطفال موجودة من زمان، وهادشي لي ديما كتهضر عليه في فيديوهاتها.

View this post on Instagram

سمحي لينا أ نعيمة ! سمح لينا أ عدنان ! يسمحو لينا لوليدات كلهم لي مشاو ضحية ليس الجناة و المجرمين فقط بل حتى حنا لي ما قدرناش نأمنو ليكم حلم صغير لي هو حلم حق الحياة، حق التواجد فوق أرض الله، حق إستنشاق الاوكسجين .. كلنا مسؤولين على هاد البشاعة و قلة الانسانية الا كان رأي بعض البشر و ليسو ناس لان الناس أول مميزاتهم هي الانسانية ف إعدام مثل هاد الوحوش فرأي الخاص ماشي هو الاعدام بل الاعدام سبعة ديال المرات .. فقط واليدين هاد الابرياء لي حاسين بالحرقة #ما_حاس_بالمزود_غي_اللي_مخبوط_بيه #loubna #loubnajaouhari

A post shared by Loubna Jaouhari (@loubnaeljr) on Sep 27, 2020 at 6:30am PDT