نجوى المالحي-كود//

الممثلة المغربية لبنى أبيضار علنات البارح عن توقيع عقد مع شركة التوزيع السينمائي Alba Films كمخرجة شابة.

بطلة فيلم “الزين لي فيك” ديال نبيل عيوش لي ممنوع من العرض في المغرب وكان نوض صداع كبير، كتبات “أنا فرحانة بزاف وخايفة بزاف من المسؤولية”.

وتمنات أبيضار المستقرة ففرانسا تكون قد الثقة لي حطات فيها الشركة.

وهادي ماشي اول مرة غادي تسني ابيضار مع شركة انتاج، بحيت كانت شركة futur ikon خدات منها سيناريو كاتباه هي، حسب تدوينتها.