الرئيسية > آراء > لا ديدي لا الفانيدي ! تجربتي مع اوميكرون بينات ليا بلي اللقاح و الاجراءات الوقائية هوما المعايير و الشروط لي خاص الدولة تأكد عليهم لحماية المواطنين ! أما سدان الحدود راه حل ديال المعاگيز لي ماباغينش يخدمو و يضربو تامارا مع المواطنين باش يلتازمو بالوقاية و يديرو اللقاح ! آش غانديرو ما نديرو ؟ نسدو عليهم ! و جمافو على الاقتصاد لي كايموت !
15/01/2022 15:00 آراء

لا ديدي لا الفانيدي ! تجربتي مع اوميكرون بينات ليا بلي اللقاح و الاجراءات الوقائية هوما المعايير و الشروط لي خاص الدولة تأكد عليهم لحماية المواطنين ! أما سدان الحدود راه حل ديال المعاگيز لي ماباغينش يخدمو و يضربو تامارا مع المواطنين باش يلتازمو بالوقاية و يديرو اللقاح ! آش غانديرو ما نديرو ؟ نسدو عليهم ! و جمافو على الاقتصاد لي كايموت !

لا ديدي لا الفانيدي ! تجربتي مع اوميكرون بينات ليا بلي اللقاح و الاجراءات الوقائية هوما المعايير و الشروط لي خاص الدولة تأكد عليهم لحماية المواطنين ! أما سدان الحدود راه حل ديال المعاگيز لي ماباغينش يخدمو و يضربو تامارا مع المواطنين باش يلتازمو بالوقاية و يديرو اللقاح ! آش غانديرو ما نديرو ؟ نسدو عليهم ! و جمافو على الاقتصاد لي كايموت !

سهام البارودي – كود//

هاد السيمانة بداوني اعراض الڤيروس و حتى انا فحالي فحال بزاف ديال المغاربة قلت فالاول بلي الاغلبية حيت دوشت و خرجت ضربني البرد و لكن ملي وصلت للنهار الثالت و كنت محتاجة اني نسافر اضطريت ندير الطيسط باش نعرف راسي واش مريضة بكورونا و تما لقيت راسي بوزيتيف !

بالرغم من أني كنت ملتازمة بالاجراءات الوقائية ! كان كافي انني نغفل مرة وحدة على الاجراءات و فديك المرة الوحدة لعقتها ! و لكن الحمد لله هانا كاندوز فترة النقاهة بيخير و على خير واش بفضل اللقاح ؟ بفضل المناعة ديالي الطبيعية ؟ او حيت اوميكرون ماقاصحش بزاف فحال الديلتا ؟ الله اعلم لي عارفة هوا انه اوميكرون لي دوزت انا فحال شي ترويحة خايبة فيها قوة الخنونة و شوية د الكحة و السخانة فالليل ! ولكن كانعرف ناس لي دازت عليهم كحلة زحلة و خرحو منها بالكشايف !

لي تعلمتو فهاد الدرس ديال كورونا هوا انه فعلا الاجراءات الوقائية و اللقاح راه هوما الاصل الى الانسان بغا يحفظ راسو من المرض ! غفل طارت عينيك ! و هادشي علاش مافهمتش علاش المغرب مازال ساد الحدود ديالو و مطرق عليه گاع البيبان فالوقت لي قطاعات كاتسوفري بزاف فحال السياحة و النقل الجوي !

السدان ماشي حل ! خصوصا دابا ملي المرض تعرف و الناس تلقحو و هاد اوميكرون صدق واخا سريع الانتشار و لكن ماقاصحش بزاف ! علاش سادين ؟ السدان حل ديال المعاگيز لي مافيهم مايفكر و يخمم و ينوض يتواصل مع الناس و يقنعهم بجدوى اللقاح و باهمية الاجراءات الوقائية و هبط للشارع نعام ا سيدي و لي ماداير الكمامة هبط عليه بغرامة و سير للقهاوي لي مادايرش التباعد سدها لباباه ! و تتحرك السلطة و يتحركو المسؤولين و تبقا البلاد محلولة ماشي هاد الحالة لي حنا فيها دابا لا ديدي لا الفانيدي ! حالات كورونا في ارتفاع و البلاد مسدودة !

لا رزقي بقا لا وجهي تنقا!

موضوعات أخرى

28/03/2024 18:30

الحشيش اللي شدو البارح وتقتل فيه بزناس طلع عندو علاقة بالحشيش لي لقاوه فسيدي رحال و”گود” جابت تفاصيل العملية

28/03/2024 18:00

تهديدات داعشية بالقتل لناشطات فالحريات الفردية. نادر ل”كود”: وجود لائحة كيبين باللي كاين رصد وتتبع وهاد الشي ما كيخلعنيش

28/03/2024 17:30

فيومين.. شكايات جداد بـ”الفساد المالي” طاحوا عند الوكيل العام ففاس.. ومصدر لـ”كود”: وحدا فيها مشات للبحث والباقي قيد الدراسة

28/03/2024 17:00

واش هيرفي رونار كيضغط على الركراكي باش ياخد بلاصتو؟ الفرنسي جاهم من اللخر: باغي نلعب مونديال 2026

28/03/2024 16:30

خبير صبليوني لجورنال “أ. ب. ث”: المغرب دولة ذات سيادة وقادرة تدير مناورات بحرية فين ما بغات من مياهها الإقليمية والوقت اللي يناسبها بلا إذن شي طرف خارجي

28/03/2024 16:20

رقم معاملات “لوسيبي” وصل لـ91,27 مليار درهم فعام 2023 وخا كان انخفاض كبير فأسعار المنتجات الفوسفاطية

28/03/2024 15:30

بوليس سيدي قاسم شدو 4 فيهم واحد قاصر بانو ف فيديو هازين السيوفا وكيسبو فمؤسسات وموظفين عموميين وكيحرضو على تنفيذ اعتداءات